സെൽഫി

ഇന്നത്തെ നാടിൻ യുവത്വം പറയുന്നു
എവിടെ തിരിഞ്ഞാലും സെൽഫി
റോഡിൻ നടുവിലായ് നിന്നാലും സെൽഫി
ഒന്ന് മുന്നോട്ടു നടന്നാലും സെൽഫി
ഓന്തിനെ പാമ്പിനെ പഴുതാരയെ കണ്ടാൽ
ഓരത്തിരുന്നൊരു സെൽഫി
കൂടിയിരുന്നു രസിക്കുന്ന നേരത്തു 
കൂട്ടച്ചിരിയുടെ സെൽഫി
കൂട്ടുകാർ തമ്മിൽ വഴക്ക്കൂടുമ്പോഴും
കെട്ടിപ്പിടിച്ചൊരു സെൽഫി
ഒന്ന് രക്ഷിക്കുവാൻ കേണപേക്ഷിക്കുന്ന
നേരത്തുമുണ്ടൊരു സെൽഫി
ഉറ്റവർ ചത്തു കിടക്കുന്ന നേരത്ത്
പൊട്ടിക്കരഞ്ഞതും സെൽഫി
ചോരയും വാർന്നു കിടക്കുന്ന നേരത്ത്
ചാരത്തു നിന്നൊരു സെൽഫി
കുഞ്ഞിനെ കൈയ്യിലുയർത്തിപ്പിടിച്ചിട്ട്‌
അമ്മയെടുത്തൊരു സെൽഫി
ഉമ്മ കൊടുക്കുന്ന നേരത്തും സെൽഫി
തമ്മിൽ പിരിഞ്ഞിരിക്കുമ്പോഴും സെൽഫി
നാടിനവസ്ഥയറിഞ്ഞതില്ലെങ്കിലും
എന്തിനുമേതിനും സെൽഫി
ഒന്നുമേ കാണാത്ത യുവജനങ്ങൾക്കിന്നു
ക്യാമറക്കണ്ണുകൾ മാത്രം !!

എൻറെ തുളസി

നമ്മൾ നാട്ടിൽ നിന്നും കൊണ്ട് വന്ന് നട്ടനാൾ എൻറെ തുളസി നല്ല സന്തോഷത്തിലായിരുന്നു. അവൾ വളർന്നു.
ഒരു ദിവസം നമ്മൾ വീണ്ടും നാട്ടിൽ പോയി.
തിരിച്ചു വന്നപ്പോൾ തുളസിക്ക് പൂവൊക്കെ ഇട്ടു പൂജ ചെയ്‌തിരിക്കുന്നു. നന്നായി വെള്ളവും ഒഴിച്ചിട്ടുണ്ട്.
'പൂജ എന്നെ പെട്ടെന്ന് ദൈവ സന്നിധിയിലയക്കനായിരുന്നോ?' തുളസി ചോദിച്ചു.
അവൾ മെല്ലെ വാടാൻ തുടങ്ങി
അതിന്റെ കാലുകൾ മരവിച്ചു
അത് ദൈവത്തോടടുത്തു.

എന്തിനു

പുരാണങ്ങള്‍ കഥകളല്ലെങ്കില്‍
എഴുതിയ കവികളെന്തിനു??
എല്ലാവരും എന്നെ ഭജിക്കണം
എന്ന് പറയുന്ന ദൈവമെന്തിനു?
എന്‍റെ ഓരോ ചലനവും എഴുതി വച്ചതാണെങ്കില്‍
പിന്നെ ഞാന്‍ എന്തിനു??
   

Software

I was a human being
I laugh, I cry
Years passed..
I became a software engineer
All appreciated me
Once I created an application;
that work for me
I gave instruction;
It started working for me..
I forgot everything;
Other than those instruction...
I forgot to smile, cry..
I lost my feelings..
At last, I  became a software;
An application software

മാറുന്ന ലക്ഷ്യങ്ങള്‍

ലക്ഷങ്ങള്‍ ഉണ്ടാക്കി വയ്ക്കുന്ന നേരത്ത്
ലക്ഷ്യത്തിലെത്താന്‍ മറന്നു പോയി
ലക്ഷങ്ങലോരുപാട് നേടിയപ്പോള്‍
ലക്ഷ്യങ്ങലോക്കെയും മാറി പോയി.. 
 

ജാതകം

ജാതകമെഴുതിയത് ചന്ദ്രനെ നോക്കിയാണെന്നറിഞ്ഞപ്പോള്‍ 

ചന്ദ്രന്‍ ചിരിച്ചു : താനൊന്നും അറിഞ്ഞില്ലെന്ന മട്ടില്‍

പെണ്ണിന് ചൊവ്വാദോഷമാണെന്നറിഞ്ഞപ്പോള്‍ ചൊവ്വയും ചിരിച്ചു

ശനിയുടെ അപഹാരമെന്നു കേട്ടപ്പോള്‍ ശനി ചോദിച്ചു : 

ഞാന്‍ ആണോ വില്ലന്‍!!

ഇവരൊക്കെ ചന്ദ്രന് ചുറ്റും തിരിയുന്നെന്നറിഞ്ഞപ്പോള്‍ സൂര്യന്‍ ചോദിച്ചു :

പിന്നെ ഞാന്‍ എന്തിന്?

 

ഒരു വേശ്യ പറഞ്ഞ കഥ

അയാള്‍ ചോദിച്ചു

"നീ ഈ തൊഴില്‍ ആസ്വദിക്കുന്നുണ്ടോ? "

അവള്‍ ചിരിച്ചു

"നിങ്ങള്‍ക്ക് എല്ലാ നേരവും മീന്‍ കഴിക്കാന്‍ തരുന്നു

ഒരു നേരം കരിമീന്‍

ഒരു നേരം അയല

ഒരു നേരം നെയ്മീന്‍

..................................

എത്ര രുചികരമാണെങ്കിലും 

എന്നും മീനല്ലേ

"

അയാള്‍ അവളെ നോക്കി ഒന്ന് കണ്ണ് ചിമ്മി.. ചിരിച്ചു...